Maglulunsad ang PAGIBIG fund ngayong taon ng bagong loan facility na tatawaging quick loan.
Sa Bagong Pilipinas program, ipinaliwanag ni PAGIBIG Fund Deputy Chief Executive Officer ng Member services na si Alex Aguilar ang nilalaman ng quick loan.
Isa anya itong mabilis na paraan para ma-access ng mga myembro ang kanilang short term loans.
Kung saan sa pamamagitan ng mobile phones ay pwedeng mag file ng loan application at sa loob lang ng isang oras ay maipapadala na sa kanilang loyalty cash, cash cards, o e-wallet ang halagang inutang.
Pwedeng humiram ng limang libo hanggang 15 libo na maaaring gamitin sa emergency needs.
Kasabay nito, inaasahan din ang pag-roll out ng health and education loan program, kung saan magagamit ang ipon sa PAGIBIG para sa tuition fees o emergency medical needs.
