LEGAZPI CITY – Arestado an sarong lalaki huli sa kasong lascivious conduct sa Purok 6, Brgy. Baybay, syudad nin Legazpi.
Binisto an akusado na si alyas “Tikong”, 39 anyos asin residente kan kaparehong lugar.
Naarestar ini sa paagi nin manhunt operation kan mga personahes kan Legazpi PNP sa kusog kan mandahamiento de aresto para sa nasambit na kaso sa irarom kan Section 5-B kan RA 7610.
Maabot man sa PHP200,000 na piyansa an itinalaan kan korte para sa saiyang temporamenteng libertad.
Nasa kustodiya na ini kan nasambit na hepatura para sa magkakanigong disposisyon.
