PABOR na sa gipalugwayan nga General Community Quarantine status sa syudad ang opisyal sa National Anti Poverty Comission Gensan Chapter.
Sa pahayag ni NAPC Coordinator Rex Carenio pabor na sila sa gipalugwayan nga GCQ status tungod sa naga padayon nga pandemya gumikan sa COVID-19.
Ang dugang rason ni Carenio dili daw ikalimod nga kon tuyukon ang syudad ubay-ubay ang katawhan nga kumpyansa ug nagakampante nga wala bisan facemask kon mogawas sa balay.
Dugang obserbasyon ni Carenio isip Labaw usab sa GenSan Drivers and Operators Group kun Gensan DOG ang uban sa mga driver sa tricycle sige nalang og tambay sa mga kapihan gumikan sa kahinay sa pamasada.
Pabor usab si Carenio nga pahugtan sa otoridad ang pagpatuman sa mga balaud pinaagi sa pagdakop sa mga wala nagasul-ob og facemask samtang dili usab sila pabor sa hard lockdown. Kahibaluan nga una na nga nagpadayag ang opisyal sa pula nga cluster sa tricycle nga uyon sa GCQ apan dili uyon sa hard lockdown ipatuman lang ang hugot nga health protocol.
