LEGAZPI CITY – Posible nang mababawasan an trabaho kan mga paratukdo sa Bicol Region na igwa nin dakol na load.
Segun kay Department of Education (DEPED) Bicol Regional Spokesperson Mayflor Jumamil, ma-hire an ahensya nin 5,000 na admin assistant asin project development officer sa nasyon.
An nasambit na mga personaheng iha-hire, idi-deploy sa kada eskwelahan asin maalokar nin pondo an DEPED Central Office sa kada rehiyon tanganing mabawasan an overload positions kan mga paratukdo.
Sa Bicol, pwedesir nang buksan an posisyon para sa admin assistant asin project development officer kun sain nasa labi 500 an itatao sa kada eskwelahan.
Obheto kan ahensya na makapag-focus an mga paratukdo sa saindang mga estudyante asin dae na magabatan sa mga dugang na trabaho o assignment na wara man nin kinaraman sa saindang pagtukdo.
