LEGAZPI CITY – Pigsyerto kan Bureau of Fire Protection (BFP) Legazpi na nakatutok sinda sa kaligtasan kan publiko sa tahaw kan mga pailaw ngunyan na bulan sa syudad.
Sa intrevista kan Brigada News FM Legazpi kay SFO Madonna Orendain-Rempillo, sinabi niya na mas pigpapakusog kan saindang opisina an mga fire safety inspection.
Hasta sa Disyembre 15 na sana kaya an saindang pag-inspeksyon, asin ipapadagos liwat pag-abot kan bulan nin Enero sa masunod na taon.
Lakop kaya ngunyan an mga pailaw katakod kan paparaning kapaskuhan kaya piglalaoman an dakol na tawo sa mga pasyaran.
Pagiromdom man ni Rempillo, mag-ingat asin pilion nin maray an mga pigbabarakal na Christmas lights nganing makalikay sa mga kasulo.
