LEGAZPI CITY – Kasabay man sa pigmomonitor ngunyan kan BFP Legazpi an mga establisimento de negosyo katakod kan paparaning Kapaskuhan ngunyan na Disyembre.
Segun kay SFO3 Madonna Orendain-Rempillo, syertong rurusuon an mga establisimentong ini siring kan malls ngunyan na paparani an Pasko.
Durante kaini, dai man ninda pighahale an posibilidad ki mga dai piglalaomang mga insidente sa laog kan mall, kaya kasabay man su boot sinda sa mga naga-standby orog na kung dakulon na an mga parabakal.
Mantang paparani kaya an Pasko asin Bagong Taon, nagdadarakol naman an nagpapasiring sa mall asin sa iba pang mga establisimento.
Pigsyerto nya, igwa sindang mga lakdang nganing maasigurar an seguridad kan mga tawo orog na sa siring kaining mga panahon, pirmi su boot sindang nakaantabay asin tulos na maresponder ano man na oras na kaipuhan.
