Nagpahayag it suporta ro pamunuan it Kalibo Municipal Police Station para sa 18-Day Campaign to End Violence Against Women, nga nag umpisa ku November 25 hasta December 12, 2023.
Tinutuyo it kampanya nga mapabaskug ro awareness sa isyu it pag abuso kontra sa kababaihan ag para pahueagon ro mga indibidwal ag organisasyon para malikawan ro pagpang abuso.
Nakiisa man si Assistant Police Community Relations Officer, Police Staff Sergeant Aldren I Andrade, sa 12th Men Opposed to Violence Against Women’s Everywhere (MOVE) Provincial Congress 2023 makarun nga adlaw, November 30, 2023.
Sa nasambit nga aktibidad, gin insister ni PSSg. Andrade ro haega nga mapunggan ro pag abuso sa mga kababaihan ag gin-engganyo ro mga partisipante nga makiisa sa tinutuyo kontra sa nasambit nga isyu nga eubos nga delikado.
Nagpromisa man ro Kalibo Municipal Police Station nga igapadayun nanda ro andang pagtinguha sa pagsukoe sa nagkasari-sari nga klase it pag abuso base sa kasarian. // ANN DESLENE SALAZAR
