Kaeakip ro LGU Kalibo sa pagtinguha it Department of Information and Communications Technology DICT nga tun-an ro mga Kalibonhon kaangot sa Cybersecurity ag Data Privacy.
Bangud kara, ginpatigayun ro sang adlaw nga Orientation on Cybersecurity and Data Privacy Awareness kaeakip ro Introduction to Philippine National Public Key Infrastructure PNPKI Services.
Suno kay Engr. Arnold Abagat, Provincial Director it DICT Aklan, kada adlaw hay ginagamit ro nagkasari-sari nga mga Digital Equipment and Devices ngani gindaea nanda ro pilang mga empleyado it DICT Region 6 para magturo sa mga empleyado it LGU Kalibo kaangot sa Cybersecurity o kilaea sa tawag nga internet.
Importante segun nga maghaeong sa paggamit it makabag ong tekonolohiya bangud ro simpleng pag-text hay pwedeng makatuga it kamaeayran o disgrasya.
Dapat segun nga responsable ro tanan kung ano ro mga ginaubra sa social media bangud may una nga Cybersecurity Law kung siin, ro bisan sin o nga mag eapas hay may penalidad nga pagkakulong ag multa. // ANN DESLENE SALAZAR
