Indi pabor ang mga negosyante sang itlog sa Teodoro Arcenas Trade Center nga himuon nga kinilo ang baligyaanay sang itlog bangud posible nga mapierdi sila.
Sa interview sang Brigada News FM Roxas City kay Bobong Dolfo, negosyante sang itlog, iya ginpahayag nga mabudlay magbaligya sang kinilo bangud nagamnan na sang mga tawo nga magbakal sang binilog kag tray.
Ginpanginwala man sini nga may yara sang dinayaay sa sizing sang itlog nga ila ginabaligya.
Suno kay Dolfo, nagmahal ang itlog bangud sa kakulangan sang suplay sini.
Matandaan sadtong bulan sang Setyembre nag-amat amat na taas ang presyohanay sang itlog kag magadugay ini tubtob sa Disyembre.
Presyo sang Itlog sa TATC:
Jumbo size- P10.00
XL – P9.75
Large – P9.50
Medium- P9.25
Small- P9.00.
Apang sandig naman sa Department of Agriculture, temporaryo lamang ang pagmahal sang itlog. | Judy Ann Juare
