Kinilala ng Schools Division of Olongapo ang mga stakeholders na naging katuwang nito sa nakalipas na Brigada Eskwela ng Kagawaran.
Ito ay mula sa iba’t ibang ahensya ng gobyerno, pribadong indibidwal, samahan at sektor.
Kahapon, araw ng Martes ay nagsagawa ng Stakeholders Convergence Cum Awarding of Best Matatag School ang SDO na idinaos sa isang hotel sa Subic Bay Freeport Zone.
Kasabay nito ay kinilala rin ang mga paaralan mula elementarya at sekondarya na nagwagi bilang Best Matatag School. Samantala, kabilang ang BNFM Olongapo sa tumanggap ng plaque o pagkilala sa aktibidad.//Jen Bayot-BNFM OLONGAPO
