LEGAZPI CITY – Igwa nin anunsyo an Albay Provincial Health Office (PHO) para sa mga 60 anyos an edad pataas sa probinsya.
Nag-oopresir nin libreng pneumonia vaccine an nasambit na opisina para sa siisay man na 60 anyos pataas na dai pa natatawan nin nasambit na bakuna sa nakalihis na limang taon asin gustong makalikay sa pulmonya.
Kinakaipuhan sanang magduman sa pinakaharaning health care center o kaya makipagtabangan sa Community Health Worker bganing matawan nin bakuna kontra pulmonya.
