LEGAZPI CITY – Mas papakusugon pa kan gobyerno-probinsyal kan Albay an global trade efforts para sa probinsya.
Sa paagi ini kan pag-atendir kan Local Economic Development and Investment Promotions Office (LEDIPO) sa Export Opportunities and Global Market Updates para sa Region 5 Exporters asin Would-be Exporters’ training.
Pinangenotan ini kan Department of Trade and Industry (DTI) Bicol na may obhetong tawan nin poder asin otoridad an mga local and potential exporter.
Pigtukar man digdi an pag-access sa merkado asin pagtao nin mga update sa paggibo nin negosyo sa mga free trade area partikularmente sa Regional Comprehensive Economic Partnership (RCEP).
