LEGAZPI CITY – Pigsyerto kan Commission on Elections (COMELEC) Bicol na 100% na sindang preparado para sa isasagibong eleksyon sa Barangay asin Sangguniang Kabataan sa Lunes, Oktubre 30.
Segun kay COMELEC Bicol Regional Director Atty. Ma. Juana Valeza, nasa labi 42,000 na mga electoral boards an masirbi sa napaparaning pirilian.
An nasambit na electoral board kumpwesto ki mga paratukdo hale sa Department of Education o mga eskwelahan na pinili susog sa standards kan COMELEC.
Sinda man isinairarom sa nagkapirang beses na training kun saen nakapagtao nin instructions an komisyon kun ano an mga dapat gigibohon hasta sa matapos an birilangan.
Piglalaoman na ngunyan na aldaw nin Sabado, kukuwaon na kan electoral boards an election paraphernalias asin sa Lunes, amay sindang mapasiring sa mga presinto tanganing ayuson an mga classrooms na gagamiton sa pagboto.
Segun pa kay Valeza, dakula an mga mareresibe kan electoral boards sa election na maabot sa PHP5,000 hasta sa PHP10,000.
