KORONADAL CITY- HINIHIKAYAT ng Philippine Health Insurance Corporation o Philhealth 12 ang mga Philhealth members na mag-avail ng Konsulta package ng ahensya sa mga accredited Konsulta providers.
Ayon kay Dr. Lizamar Banatao, OIC ng healthcare delivery and management section ng Philhealth 12 na ang mga miyembro ay maaaring mag-avail sa mga Konsulta providers ng libreng check-up at screening sa mga sakit, libreng gamot at mga laboratories.
Sa ngayon, dalawa pa lamang ang accredited Konsulta provider sa South Cotabato, ang Rural Health Unit ng Polomolok at Surallah.
Nanawagan din ang Philhealth sa mga RHU at iba pang healthcare facilities na magsumite ng self-assessment tool upang ma-accredit bilang Konsulta provider.
