Tinawag na ‘very strong’ ng Israel Defense Forces (IDF) ang mga Pilipino sa gitna ng giyera sa pagitan ng Israel at grupong Hamas.
Ayon kay IDF spokesperson Major Libi Weiss, naaalala nito ang katatagan ng mga Pilipino sa panahon ng sakuna tulad na lamang noong Typhoon Yolanda.
Sinabi pa ni Weiss na lahat ng tao sa Israel at pati na rin ang mga Pilipino ay nalulungkot, natatakot at nakararanas ng kawalan.
Sa huli, pinayuhan naman nito ang mga Israel citizens at maging ang mga Pilipino doon na maging maingat sa posibleng atake sa lugar.
