Nagpatupad ng balasahan ang Philippine National Police sa apat na matataas na opisyal nito.
Sa unit reassignment na pirmado ni Police Major General Robert Rodriguez, Hepe ng Directorate for Personnel and Records Management, inilipat si Police BGen Niño David Licos Rabaya bilang Acting Deputy Director for Comptrollership mula sa PNP Retirement and Benefits Administration Service.
Inalis naman bilang Hepe ng Manila Police District si Police BGen Andre Dizon at itinalaga sya bilang Acting Director ng PNP Retirement and Benefits Administration Service.
Samantala, si Police Col. Arnold Ibay na mula sa Office of the Chief PNP ay itinalagang Hepe ng MPD.
Si Police Col. Danilo Alamban Bacas na galing sa Directorate for Communications and Technology Management ay ginawang Acting Deputy Regional Director for Administration ng Police Regional 10.
Epektibo ang balasahan ngayong araw, October 17, 2023.
