Missing sa gihapon ang anay drug surrenderee nga si Jonathan Bilan nga nakapalagyo sa ginkasa nga drug buybust operation sang Philippine Drug Enforcement Agency sa Barangay Loctugan, Roxas City.
Sa interview sang Brigada News FM Roxas kay Punong Barangay Lilian Cordenillo, iya ginpahayag nga nakatapos sang Community Drug Rehabilitation Program ukon CDRP si Bilan apang hinali nga naganyat liwat nga magduso sang ilegal nga droga.
Dugang pa sini, halos isa na kabulan nga gina-monitor sang PDEA ang iya sini puluy-an.
Nagapanawagan man si Kap. Cordillero sa mga pumuluyo nga mag-ugyon kaupod ang barangay council sa pagbulig nga ibalik ang katawhay kag kalinong sa ila lugar.
