MIUBOS ang insidente sa bangga nga natala sa Malungon, Sarangani province karong tuiga, tandi nakalabay nga tuig. Sa datus gikan sa Malungon Municipal Police Station, nakarekord sila og walo katao nga namatay sa bangga gikan Enero hangtud Agosto ning tuiga.
Ubo kini tandi sa 71 ka insidente sa road crash atong 3rd quarter sa 2022 samtang narekord ang pagkamatay sa 12 katao. Butyag ni Police Lt.Col. Jovenson Bayona, hepe sa Malungon Municipal Police Station rason sa pag-ubos mao ang hugot nilang pagpatuman sa balaud trapiko, paghatag og edukasyon sa road safety ug uban pa.
Kahibaloan nga ang malungon ang dunay 53 kilometers nga highway o usa sa dunay pinakataas nga highway stretch. I Richel Gubalani
