Boluntaryo nga ginsungka sang isa ka Barangay Kagawad kag anay drug surrenderee sa Tapaz Municipal Police Station ang isa ka unit sang armas-luthang.
Sandig sa Tapaz PNP, ang wala na ginhingadlan nga kagawad ang nag-turn over sang 1 unit homemade short barrel 12 guage shotgun nga wala sang bala.
Ang nasambit nga armas luthang ang ginapanag-iyahan sang isa ka residente sang Brgy. Malitbog sa amo nga banwa.
Ini ang resulta sang masangkad nga kampanya sang kapulisan sa Tokhang Kontra Armas Luthang (TKAL).
Sa karon, yara na sa paghinakop sang mga kapulisan ang armas-luthang para sa nagakaigo nga disposisyon. | Judy Ann Juare
