LEGAZPI CITY – Nakaresibi nin PHP50,000 na kantidad ki centenarian incentive hale sa gobyerno-probinsyal kan Albay an 101 anyos na lola na binistong si Julia D. Arnaldo gikan sa Brgy. Buyo, Manito, Albay.
Personal na inabot saiya an insentibo sa paagi kan nagkapirang mga opisyales kan PGA na sinda PSWDO OIC Maria Vivien Cea, kaibahan man an si VG Glenda Ong Bongao.
Pigheras man ni lola Julia an saiyang lifestyle routine na pinagtutubudan niyang saro sa mga rason kun nata igwa siya nin halabang buhay.
Sinabi kaini na dai sya maray nagpaparakakan nin meat fats.
Maigot nya man subuot na pigsusunod an uru-aldaw na pagpapangadyi.
Mientrastanto, pigheras man kaini an saiyang orihinal na kantang siya mismo an nag compose bilang pasasalamat.
