LEGAZPI CITY – Hasta sa ngunyan, dae pa nakakabalik an duwang magtugang na parasira na nawawara gikan sa banwaan kan Rapu-rapu, Albay.
Sa intrevista kan Brigada News FM Legazpi kay Lovely Bermas Albaniel, agom kan saro sa mga parasira, nakipagkoordinar na sinda sa kataraid na lugar siring kan Bacon, Sorsogon nganing matabangan sinda sa pag-anap kan mga ini.
Alagad, segun saiya, mayo pa sindang nareresibeng impormasyon dapit sa saindang mga kapamilya.
Nagtarabang-tabang naman su boot an mga parabanwit na hanapon an saiyang agom asin an tugang kaini.
Kun magigiromdoman, Agosto 31 kan magpasiring sa kadagatan an magtugang alagad hasta sa ngunyan dae pa nakakauli sa saindang harong kaya tulos na ini nagpaabot nin tabang sa Rapu-rapu MPS.
