Hindi dapat makapasok ang Communist Party of the Philippines – New Peoples Army sa darating na eleksyon sa Oktubre partikular na sa Sangguniang Kabataan.
Ito ang sinabi ni National Youth Commission Chairman Ronald Cardema kasunod na rin ng nalalapit na BSKE.
Posible raw kasing gamitin ng isang mananalong SK na kaalyado ng makakaliwang grupo ang posisyon para mag-recruit ng mga kabataan.
Upang maiwasan ito, mayroong ibibigay na pabuya ang NYC at scholarship, medical assistance at tulong pinansyal sa sinumang makapagtuturo ng recruiter ng mga kabataan sa mga unibersidad para umanib sa CPP-NPA.
