LEGAZPI CITY – Pigrereklamo na kan mga residente sa Bubulusan Relocation Site sa banwaan kan Guinobatan an kawaran nin supply nin tubig asin kuryente.
Segun sa Homeowners Association, haloy na ining problema kan mga nakaistar sa lugar puon pa kan pigrelokar an mga hale sa Travesia, San Francisco asin San Rafael, kun sain dugang pa sa reklamo an suboot peligrosong lubak-lubak na tinampo.
Ipinaabot na ini kan asosasyon sa gobyerno-probinsyal kan sinda nagbisita sa opisina kan gobernador nganing maipaabot an naunambitang problema sa banwaan.
Mientrastanto, naghagad man an gobyerno nin sarong semana nganing tutukan asin matawan ini nin maninigong solusyon.
