LEGAZPI CITY – Banga an opinyon kan sarong paratukdo sa Ligao National High School dapit sa bagong kasuguan kan Department of Education (DEPED) na haralion an mga dekorasyong nakadukot sa laog kan mga klasrum.
Sa intrevista kan Brigada News FM Legazpi kay Perfecto Asis gikan sa nasambit na eskwelahan, sinabi niya na makapanibago para sa saiya an kasuguan na ini.
Bako sana su boot saiya kundi pati na sa parte kan mga estudyante orog na sa mga nasa elementarya huli ta kaipuhan makahiling sinda ki mga pagiromdom dapit sa mga kaaraman siring kan mga letra asin mga numero kun sain, sa laog sana nin klasrum ini madalas na mahihiling.
Segun kay Asis, an mga estudyante kaya sa pre-school sundo sa mga elementarya, mga visual learnes kaya kun haharalion, mas maninibago an mga ini.
Mientrastanto, antes paman magluwas nin kasuguan an DEPED, may naenot nang pig-implementar an saindang eskwelahan dapit sa paglilimitar kan mga postings asin dekorasyon sa klasrum orog na kun pinturado an mga ini, alagad dai niya man pigsabi na pabor siya nasambit na kasuguan kan departamento.
