Nanindigan si Senador Koko Pimentel na paghahandaan na ng bansa ang posibleng resistance mula sa China sa gagawing resupply mission sa BRP Sierra Madre sa Ayungin Shoal.
Ito ay matapos ang naganap na “water bombing” ng China Coast Guard (CCG) sa ating mga Philippine Coast Guard (PCG) nitong naunang linggo ng Agosto.
Naniniwala naman din si Pimentel na magandang masabihan ang China sa gagawing resupply mission upang maiwasan ang naunang insidente.
Samantala, kamakailan ay nanawagan na rin si Armed Forces of the Philippines (AFP) Spokesperson Col. Medel Aguilar na galangin ang soberanya at hurisdiksyon ng Pilipinas sa nasabing teritoryo.
