Gintambungan sang 44 ka mga qualified senior citizens ang distribusyon sang Cash Grant sa idalum sang programa nga ‘Pag-ulikid sa Kamal-aman’ sang LGU Tapaz.
Ang nasambit nga programa ang isa sa mga priyoridad sang administrasyon ni Mayor Roberto Palomar nga mahatagan sang insintibo ang katigulangan magluwas sa ila nga pension.
Mahibaluan, nga nangin basehan sang programa amo ang Municipal Ordinance nga ginpasar sang Sangguniang Bayan para makabaton indi lamang ang mga centenarian nga naga-edad sang 100, kundi lakip man ang mga naga-edad sang 80 tubtob 90-anyos.
Nangin kabahin sa programa sanday Vice Mayor Romel Somo, Hon. Bob Gardose, MSWD YDO Helen Farinas, MIO Stephen Faeldin, OSCA Head Ana Gervero kag OSCA Focal Person Sandra Domopoy.//
