LEGAZPI CITY – Dai pa pigrerekomendar kan Philippine Institute of Volcanology and Seismology (PHIVOLCS) an pagpapabalik kan mga pamilya sa saindang mga lugar sa laog kan 6 kilometers permanent danger zone kan Bulkang Mayon.
Basado sa pigpaluwas na bulletin kan PHIVOLCS kasuudma, ini huli ta nakalangkaw pa man giraray sa Alert Level 3 an bulkan, boot sabihon, halangkaw pa an lebel kan unrest kaini asin an posibilidad kan peligrosong pagputok sa mga masunod na semana o aldaw.
Dakol pa kaya su boot an peligrong dara kan bulkan o an mga volcanic activities siring kan mga pyroclastic density currents o uson, lava flows, rockfalls asin iba pa dawa pa nanunutaran kasusaro an pagbaba kan mga parametros kaini.
Huli kaini, pig-aabisuhan kan PHIVOLCS an publiko na magin alerto kontra sa mga uson, asin sediment-laden streamflows.
Rekomendasyon man sa civil aviation authorities na abisuhan an mga piloto na dai mag-agi harani sa tuktok kan bulkan gamit an saindang mga eroplano huli ta peligroso an mga abo na posibleng iluwas kan bulkan en kaso magkaigwa ki pagputok.
