LEGAZPI CITY – Pigklaro kan gobyerno-lokal kan Sto. Domingo, Albay na dae pa sinda mapauli kan mga Mayon evacuees sa mga barangay hangga’t warang pigsabi an PHIVOLCS.
Sa intrevista kan Brigada News FM Legazpi kay MDRRMO Mayon Response Team Spokesperson Engr. Ed Balidoy, sinabi kaini na hahalaton ninda an ipapalauwas na report o abiso hale PHIVOLCS na pwedesir nang mag-uli an mga evacuees sa saindang barangay.
Segun kay Balidoy, solamenteng an PHILVOCS sana an pwedesir magdesisyon sa pagpapauli sainda huli ta sinda an nakakaaram sa kamugtakan kan Bulkang Mayon.
Dugang pa kaini, sa oras man na magin pinal an desisyon LGU sa pagpapauli kan evacuees, tulos man ninda ining ipapautob.
