LEGAZPI CITY – Arestado man an 51 anyos na lalaki na may kasong acts of lasciviousness sa Brgy. 3, banwaan kan Bacacay, Albay.
An suspetsado, residente kan Purok 4, Bonga kan nasambit na banwaan.
Segun sa report, nadakop ini kan mga personahe kan Bacacay MPS sa naunambitang kaso o panghahalay sa irarom kan Article 336 kan Revised Penal Code na may piyansang PHP36,000.
Kapot naman ini kan nasambitan na hepatura para sa magkakanigong disposisyon.
