LEGAZPI CITY – Kapot na kan mga otoridad an 19 anyos na laborer na may kasong panlulugos sa menor de edad sa Brgy. Maroroy, Daraga, Albay.
Residente kan Brgy. San Vicente, banwaan kan Jovellar an suspetsado na naarestar kasuodma.
Basado sa report, inarestar ini kan mga personahe kan Guinobatan MPS sa kusog kan mandahamiento de aresto na pirmado kan Hulyo 27 kaining taon sa nasambitan na kaso sa irarom kan Article 266-A paragraph 1-D kan Revised Penal Code na pig-amyendaran kan Republic Act 11648.
Warang piyansang pigrekomendar an korte para sa saiyang temporamenteng libertad.
Nasa kustodiya na ini kan nasambitan na hepatura para sa magkakanigong disposisyon.
