Kinumpirma ng Department of Health (DOH) na aabot sa 40 karagdagang COVID-19 variant ang na-detect sa Pilipinas.
Ayon sa DOH batay sa whole-genome sequencing report lumabas na 4 ang bagong kaso ng Delta variant cases, 14 Alpha variant cases, 21 Beta variant cases, at isang Theta (P.3) variant.
Sinabi ng kagawaran ng kalusugan na ang Delta variant ay nakita galing sa mga Returning Overseas Filipinos (ROFs) mula sa MV Eastern Hope, na kasalukuyang naka-docked sa South Korea.
Ang naturang mga ROF at na-repatriate noong June 3 kung saan dalawa sa mga ito ay nakumpleto na ang 10-day quarantine matapos dumating sa bansa.
Samantala sinabi naman ng DOH na 14 Alpha variant cases, 12 dito ang local cases habang ang 2 dito ay binibirepika pa ng ahensiya.
Dagdag pa ng DOH dalawa sa mga nahawaan ng Alpha variant ang namatay habang labing-dalawa ang gumaling na mula sa sakit.
