Limitahan na sa Institute of Women and Newborn Health (IWNH) kun Paanakan sa Southern Philippines Medical Center human nga miabot na sa maximum nga kapasidad sa pagdawat og pasyente.
Base sa anunsyo sa SPMC Department of Obstetrics and Gynecology, gipatuman kini alang sa kaluwasan ug aron usab maayo ang pahimutang sa mga pasyente sa panahon sa pandemya.
Bugtong mga pasyente klamang nga anaa sa high risk pregnancies o taas ang risgo sa pagkamabdos og pagpanganak ang prayoridad dawaton.
Samtang ang mga pasyente nga adunay low risk pregnancies ang giawhag nga muadto sa uban pang mga Department of Health (DOH) accredited, Basic Emergency Obstetric and Newborn Care (BEmONC) ug Comprehensive Emergency Obstetric and Newborn Care (CEmONC) accredited nga pasilidad.
Tungod niini nangayo og dispensa sa publiko ang pasilidad. BNFM-DAVAO
