HUGOT nga seguridad ang ipatuman sa Police Regional Office (PRO) 12 alang sa ikaduhang ikaduhang State of the National Address (SONA) sa Pangulong Ferdinand Marcos Jr. karong adlawa Lunes.
Matud ni Police Brig. Gen. Jimili Macaraeg, regional director sa PRO-12 naa sa 1,800 ka mga sakop nila nga ipakatag sa tibuok rehiyon. Wala’y labot sa maong ihap ang mga force multipliers aron makatabang ugaling dunay mahitabo apan nakadepende sa mahipos nga intelligence reports.
Dugang ni Macaraeg, walay nadawat nga bahad sa seguridad ang rehiyon nga posibleng makaapekto sa SONA sa pangulo. Gawas niini, dugang sa opisyal nga bag-o paman ang SONA sa pangulo nakitaan nila og pag-ubos sa ihap sa natalang krimen ang rehiyon.
Gitugotan usab nila ang pagpahigayon og lihok- protesta o mopahigayon og mass actions apan siguradohon nga mahimo kining malinayon. I Richel Gubalani
