Tuloy pa rin ang ginagawang paghahanda ng mga opisyal at kawani ng House of Representatives para sa ikalawang State of the Nation Address ni Pangulong Bongbong Marcos sa Lunes.
Ayon kay House Secretary General Reginald Velasco – bagamat nagsimula na ang lockdown sa Kamara kahapon, tuluy-tuloy pa rin ang ginagawa nilang paghahanda para ma-‘perfect’ ang SONA.
Aniya, nagsagawa raw sila ng reinspection sa Batasang Pambansa mula sa seguridad, mga personnel, at pati na rin sa mga kagamitang kakailanganin para sa Ulat sa bayan ng Pangulo.
Samantala, abangan naman ang Special Coverage ng buong puwersa ng Brigada NewsFM Philippines sa araw ng Lunes.
Mapanonood ito sa lahat ng social media pages ng Brigada NewsFM stations, at sabayan ding mapakikinggan sa lahat ng mga himpilan ng Brigada NewsFM nationwide.
