LEGAZPI CITY – Nananatiling nasa 5% pa rin hanggang sa ngayon ang produksyon ng cacao sa buong rehiyon ng Bicol.
Ayon kay Joe San Jose ng Albay Pili and Cacao Industry Association, sa kabila ito ng kanilang ipinapahayag sa publiko na maraming produkto ang maaaring makuha sa cacao – ilan na rito ay cacao juice, cacao wine, cacao vinegar at tablea.
Gumagamit rin aniya ng zero-waste cacao post-harvest processing activities ang kanilang grupo upang masiguro na lahat ng bahagi ng cacao ay napapakinabangan at walang nasasayang.
Sa ngayon, patuloy naman ang ginagawang pagsisikap ng Department of Agriculture (DA) Bicol upang madagdagan ang produksyon ng cacao sa rehiyon.
