Nagapabilin gihapon nga African Swine Fever (ASF) free ro ap-at nga banwa sa Aklan, base sa Office of Provincial Veterinarian.
As of July 3, 2023, ro mga banwa eamang it Malinao, Madalag, Libacao ag Buruanga ro ginpaidaeum sa pink (buffer) zone.
Samtang ro mga kaiping nga banwa it Balete, Altavas, Batan, New Washington, Kalibo, Banga, Makato, Numancia, Lezo, Tangalan, Ibajay, Nabas ag Malay hay sa red zone bangud infected raya it ASF.
Bisan ro banwa it Malay hay nagmandu eonman it hugot nga biosecurity measures para makontrol ro pag-eapta it ASF. // ANN DESLENE SALAZAR
