Padayun nga nagataas ro kaso it Japanese encephalitis (JE) sa Western Visayas, base sa Department of Health (DOH-6).
Umpisa January hasta May 2023, nakalista ro DOH-6 it 256 suspected cases it acute meningitis encephalitis (AME) syndrome.
Sa nasambit nga numero, 25 samples ro nagpositibo sa JE virus samtang ro nabilin nga 163 hay pending pa para sa testing.
Haeos katunga o 12 sa kumpirmadong JE cases hay halin sa Iloilo province, 7 ro naghalin sa Antique, 5 sa Capiz, ag 1 sa Iloilo City.
Capiz ro nakalista it may mataas nga positivity rate nga 20 percent, sinundan it Iloilo province nga may 15 percent ag Capiz nga may 9.5 percent.
Nailista man it DOH-6 ro 4 nga namatay bangud sa JE ag tanan ngara hay halin sa Iloilo province, daywa ro naireport sa Leganes ag tigsambilog ro halin sa Barotac Nuevo ag Barotac Viejo.
Sa sangka press conference, ginhayag ni DOH-6 Regional Epidemiology and Surveillance Unit (RESU) chief Dr. Jane R. Juanico-Esteva nga sa kaabo it kumpirmadong kaso it JEV, temprano pa para hambaeon nga may outbreak it nasambit nga sakit sa rehiyon. // ANN DESLENE SALAZAR
