Itinalaga ni Pangulong Ferdinand Bongbong Marcos si dating Department of National Defense (DND) officer-in-charge at undersecretary Carlito Galvez Jr. bilang Presidential Adviser on Peace, Reconciliation and Unity.
Si Galvez ay humawak ng parehong posisyon mula sa administrasyon ni dating pangulong Rodrigo Duterte, at nagpatuloy sa pagiging presidential adviser on peace hanggang sa katapusan ng 2022.
Bukod dito, hinirang din siya na DND officer-in-charge noong January 9, kasunod ng pagbibitiw ni retired Armed Forces of the Philippines (AFP) chief Gen. Jose Faustino Jr.
Miyembro ng Philippine Military Academy Class of 1985 si Galvez, at nagsilbi rin bilang ika-50 AFP chief mula April 18 hanggang December 11, 2018. // Yanaley Balaquiot
