Patay na sang nasapwan ang isa ka 50-anyos nga babayi matapos ginaalegar nakuryente sa Sitio Centro, Brgy. Cabugao, Roxas City takna 6:00 sang aga kahapon sang Miyerkules.
Ginkilala ang biktima kay Andrea Catimbang Eribal, residente sang nasambit nga lugar.
Sandig sa imbestigasyon sang Roxas City PNP, samtang nagapauli si Arnel Marcelino, yara sa legal nga edad, isa ka tricycle driver kag residente sang nasambit nga lugar, nasapwan niya ang biktima nga nagakayaon sa higad sang karsada kag wala na sang kabuhi.
Nahibaluan nga nakuryente sa barbwire nga nagakonekta sa poste sang street light ang biktima bangud ini ang may yara sang leakage.
Masadig pa nga ginpadangat sang himata ang biktima sa Capiz Doctors Hospital apang ini ang gindeklarar nga dead on arrival.
Sa karon, ang bangkay sang biktima ang yara na sa isa ka punerarya. | Judy Ann Juare
