GIKAINGONG dayo sa Promiseland 2, Barangay Mabuhay, Gensan ang duha ka menor de edad nga silang alyas Renz ug Jonairy, pulos 15-anyos ang pangidaron ug sumala pa maoy nagpasiugda sa riot sa lugar pasado alas 10 sa gabii Abril 3.
Sumala sa tanod nga si Archie Pagutlan girespondihan nila ang tawag gikan sa usa ka concern citizen kalabutan sa nahitabong karambola sa mga batan-on sa Promiseland 2.
Samtang sa paghinabi sa Brigada News Team sa duha ka batan-on, residente matud pa sila sa Barangay Labangal ug miadto sila Promiseland 2 dihang giimbitahan sa barkada sakay sa usa ka Bajah nga motorsiklo.
Atol sa panghitabo narekober sa otoridad gikan sa mga batan-on ang usa ka homemade nga sumpak, lakip ang motorsiklo.
Apan hugtanong gihimakak sa duha nga ila ang maong armas. Gisuta sa kapulisan ang rekord sa duha ka menor-de edad aron ihatod sa Bahay Pag-asa, sa Barangay Sinawal. Samtang ang narekober nga sumpak ug motor naa sa kustodiya sa San Isidro Police Station. I Enamie Mogpon
