Nagbabala ang North Korea sa posibilidad ng digmaan sakaling harangin ang paglulunsad ng kanilang missiles sa Pacific ocean.
Ito ay kasunod ng mas pinalakas na defense cooperation sa pagitan ng United States at South Korea kabilang ang joint drills, sa harap ng lumalaking banta mula sa nuclear-armed ng Pyongyang.
Sinabi ng North Korea, na ang kanilang nuclear weapons and missile programs ay maituturing na self-defense kasunod ng US-South Korea military exercises at inilarawan na ang gagawing pagsasanay ay isang invasion sa bansa.
Ngayong buwan gaganapin ng US at South Korea military ang kanilang pinakamalaking joint drill sa loob ng limang taon.//CA
