Umakyat na sa 11 ang naitalang bilang ng mga nasawi mula sa pananalasa ng tropical cyclone “Dante”.
Sinabi ng National Disaster Risk Reduction and Management Council na bukod sa mga nasawi ay may dalawang tao ang napaulat na nawawala.
Dagdag ng NDRRMC, naitala rin nito ang 3 indibidwal na napinsala sa bagyo.
Makikita sa datos ng NDRRMC na naiulat ang mga casualties sa Mimaropa, sa Kabisayaan, at sa mga rehiyon ng Davao at Soccsksargen.
Kung maalala ay sinabi ng PAGASA na humina sa isang tropical depression ang Dante kasabay ng paglabas nito mula sa Philippine Area of Responsibility noong Sabado.
