Nagpapatuloy ang ginagawang training ngayon ng 17 residente ng Batangas City na nag-apply para maging mga seasonal farm workers sa South Korea.
Ang naturang basic farming training ay pinamumunuan ng Office of the Provincial Agriculturist at ng Provincial Tourism and Cultural Affairs Office (PTCAO).
Aabot ito sa 40 oras na kailangang ipasa ng mga aplikante para makausad sa final screening.
Kabilang sa itinuro sa training ang seed sowing, land preparation, fertilization gayundin ang harvesting at pagbabalag.
Naging trainer ng mga ito si Senior Agriculturist Albert Serquiña ng Crops Production Division ng OCVAS.
Ang limang araw na pagsasanay ay magtatapos sa ika-22 ng Enero.
Ang magtatagumpay na matapos ang lahat ng mga requirements ay mabibigyan ng pagkakataong maging magsasaka sa South Korea.
