NAGA CITY – Mahigpit na ipinapatupad ang internal cleansing sa mga personahe ng Naga City Police Office upang masigurong walang pulis ang gumagamit ng ipinagbabawal na gamot.
Ang direktiba ay mismong ipinag-utos ni PCol. Nelson Pacalso ang City Director ng Naga City Police Office.
Ayon kay Pacalso, hinihintay na lamang nito ang resulta ng Drug Test ng kanyang mga tauhan matapos ang isinagawang mandatory Drug Testing noong unang linggo nitong buwan.
Kumpiyansa ito na walang pulis sa Lungsod ng Naga ang sangkot sa illegal na droga.
