Pig-eksplikar na ni Albay Governor Atty. Edcel Grex Lagman an rason kun nata ngunyan pa sana mabayad nin utang sa kuryente an junta probinsya.
Sa sarong intrevista kay Lagman, pigsabi niya na kinakaipuhan ngunang maplantsa an statement of account huli ta dakul an nangyaring mga adjustments, kadakol su boot an pigtatama pa.
An mga gobyerno-lokal kinakaipuhan su boot na magin maingat pag-abot sa kwarta kan saindang kaban kun kaya pigparepaso an accounting sa ALECO.
Kan kumbinsido na sinda na tama su accounting, iyo naman ito su boot su pinal na accounting ninda sa babayadan na utang.
Katakod ini kan pig-anunsyo kan gobernador kasusaro na an junta probinsya igwa na ning pighandang pambayad para sa utang kaini sa kuryente na maabot PHP1.7M.
Segun sa saiya, mawot niyang mangenotan an junta probinsya sa pagbayad sa ALECO nganing sumunod nang magbayad an 18 pang mga LGU sa probinsya; alagad kasuodma, Enero 9, nainot nang magbayad nin utang LGU Tabaco sa pamamayo ni Mayor Krisel Lagman.
Wara man negatibong reaksyon an gobernador manungod digdi kundi saro ining magayon na paagi nganing maenganyar an iba pa na magbayad.
