Target ng Department of the Interior and Local Government (DILG) na matapos ng dalawa hangang tatlong buwan ang cleansing sa Philippine National Police.
Ginawa ni Interior Secretary Benhur Abalos kasunod ng apela nito sa mga full colonel at general ng PNP na magsumite ng courtesy resignation bilang bahagi ng paglilinis sa hanay ng kapulisan mula sa mga ninja cops at scalawags.
Ayon kay Abalos binibigyan nila ng hangang sa katapusan ng Enero ang naturang mga pulis na magsumite ng kanilang resignation letter.
Nilinaw naman ng kalihim na tuloy-tuloy pa rin ang trabaho ng mga ito hanga’t hindi naaprubahan ang kanilang resignation.
Tiniyak naman ni Abalos na dadaan sa masusing pagsisiyasat ng bubuoing 5-man committee ang bahat courtesy resignation.
