Tiyak nang magiging masagana ang bagong taon ng dalawang mananaya ng UltraLotto 6/58 matapos mapanalunan ang mahigit kalahating bilyong piso jackpot prize sa isinagawang draw kagabi.
Nahulaan ng dalawang lucky bettors ang winning number combinations na 01-23-15-03-08 at 05.
Ayon sa Philippine Charity Sweepstakes Office (PCSO) ang mga maswerteng mananaya ay mula sa Davao City at Tacloban City na maghahati sa P521.2-Million na premyo.
Samantala wala naman nakakuha ng P15.2-Million jackpot prize ng 6/45 megalotto draw na may winning number combination na 27-28-40-14-03-34.
Nabatid na ang pinakamalaking jackpot prize na napanalunan sa kasaysayan ng Philippine lottery ay naitala noong October 2018 kung saan umabot ito ng 1.1-billion pesos.
