SAMARON ang pito ka tawo nga sakay sa Mindanao Star bus human kini natumba sa likoon nga bahin sa Barangay Nagpan, Malungon Sarangani, Province alas 11 sa udto Disyembre 29.
Sumala ni Jessie Dela Cruz labaw sa Municipal Disaster Risk Reduction Management Office (MDRRMO) Malungon, Sarangani Province gikan sa General Santos City ang bus padulong og Davao City karga ang 47 ka pasahero dihang mawad-an og preno pag-abot sa naasoy nga lugar.
Dunay mga bata ug tigulang nga nagsakay sa bus. Atol sa insidente dali nakarespondi ang Malungon Rescue Team ug gilayong gidala sa Malungon Municipal Hospital ang mga biktima nga nakaangkon og minor injuries sa lawas.
Sa kasamtangan padayon pang giila sa kapulisan ang mga samaron nga biktima sa aksidente. I Enamie Mogpon
