Sambilog patay sa 3 angkas it motorsiklo matapos mabangga it van sa national highway it Brgy. Tigayon, Kalibo, Aklan kabie.
Sa report, nakilaea ru mga biktima nga sanday Ace Teodosio, 22 anyos, driver it motorsiklo ag residnete it Brgy. Baybay Makato, Aklan.
Angkas ru mag-ina nga sanday Jenifer Silangga, sa legal nga edad, nobya it driver ag Arlyn Silanga, 57 anyos, tanan mga residente it Brgy. Linabuan Norte, Kalibo.
Samtang, gin amaneho ru van ni Jimmy Melgar, 51 anyos, Admin Aide 3 it LGU-Kalibo ag residente it Brgy. Old Buswang, Kalibo.
Naga u-turn konta ru motorsiklo samtang naga paeapit ru van.
Nahimo pa nga prenohan ag iwasan it driver it van ru motorsiklo apang nabangga ag bangud sa mabaskog nga impact, inapok ru nanay nga angkas sa motorsiklo.
Nasayuran nga ru van hay may 7 pasahero nga mga President it Persons with Disability (PWDS) it pilang ka mga barangay it Kalibo halin sa sangka seminar sa syudad it Iloilo.
Eagi man nga gin respondehan it MDRRMO-Kalibo rason nga gin daea sa hospital ru mga biktima apang namatay si Mrs. Arlyn Silanga samtang gina bueong.
Sa makaron, padayon pa nga confine sa hospital ru driver ag 1 pa nga angkas samtang, temporaryong nga gin detain sa Kalibo MPS ru driver it van.//MARIVIC Y. ILIN
