Nakarekord ro probinsiya it Aklan it lima nga pagkamatay bangud sa dog-transmitted rabies halin Enero hasta Setyembre it dag-on ngara.
Base sa datos it Provincial Health Office-Aklan, nagapanguna ro buean it Agosto sa may pinakamaabo nga rekord it kaso nga umabot sa tatlo ag tig-sambilog man ku buean it Pebrero ag Setyembre.
Sa lima nga kumpirmadong pagkamatay, ap-at dikara hay sanhi it angkit it bang-aw samtang ro sambilog hay biktima it alaga nga ayam.
Sambilog ka 12-anyos nga unga nga babaye ro pinakabata nga namatay sa Aklan samtang ro 53-anyos man nga eaeaki ro pinakamagueang nga namatay bangud sa komplikasyon nga may kaangtanan sa rabies./JIL B. LACSON
